Gode planar er kommunane sitt fremste verktøy for å møte samfunnsutfordringane og sikre ei heilskapleg og berekraftig utvikling. Natur- og klimakrisa står framleis høgt på dagsordenen når statsforvaltaren og fylkeskommunen igjen inviterer til felles plan- og klimakonferanse, men vi vil også legge stor vekt på sosial berekraft. Deltakarane vil få fagleg påfyll om korleis kommunane kan løyse dei mange utfordringane vi står ovanfor.
Konferansen er ein viktig møteplass for samarbeid på tvers av kommunegrensene. I tillegg til kompetanseheving, legg vi opp til tovegskommunikasjon med gode diskusjonar og refleksjonar om korleis vi i samarbeid skal løyse dei største utfordringane i Møre og Romsdal.
Meir informasjon om innhald og program kjem seinare, men sett av datoen og meld deg gjerne på allereie no.
Deltaking
- Dagpakke er utan overnatting og inkluderer møteromsmat og lunsj.
- Heilpensjon inkluderar dagpakke med møteromsmat, lunsj, 3-retters middag i restauranten og ei overnatting i enkeltrom, samt frokostbuffet.
- Det er mogleg å bestille middag til dagpakke og eventuelt ekstra overnatting dagen før med heilpensjon.
Målgruppe
Konferansen passar for alle i kommunen som arbeider innan plan, utvikling, bygg, eigedom, klima, miljø, teknisk, vatn og avløp, avfall med meir. Vi oppfordrar spesielt kommunalsjefar innan desse områda til å melde seg på. Det er også opent for at andre statlege etatar og konsulentar innanfor dei aktuelle områda kan melde seg på.
Påmelding
Det er bindande elektronisk påmelding innan 15.09.2024. Registreringsskjema finn du på denne sida. Spørsmål om påmelding kan rettast til [email protected] eller telefon 71 25 85 11.
Stadfesting
Deltakinga blir stadfesta direkte til e-post etter påmelding. Får du ikkje stadfesting er du ikkje påmeldt. Sjekk om du har fylt ut alle felt og riktig e-postadresse.