Digital Eksamenssamling for grunnskolen
Statsforvaltaren i Møre og Romsdal i samarbeid med Utdanningsdirektoratet inviterer med dette til digital samling (Teams) om eksamen etter LK20.
Eksamenssamlinga den 3. november 2022 vil handle om endringane i eksamen etter ny læreplan med fokus på sensur. Utdanningsdirektoratet vil halde ei felles økt på tvers av faga, før ein deler seg fagvis til ei økt med vekt på sensur i det enkelte faget.
Målet med samlinga er at tidlegare sensorar og potensielle sensorar skal bli kjent med endringane i eksamen, få eit tolkingsfellesskap og sikre rekruttering av sensorar til sentralt gitt eksamen. Det er difor viktig å få med faglærarar som er aktuelle fagpersonar for sentralt gitt eksamen våren 2023.
Målgruppe: Tidlegare sensorar og potensielle sensorar i grunnskolen
Oppkobling: Lenke for oppkobling vert sendt ut dagen før. Du vil motta to lenkjer, ei for del 1 (plenumsamling) og ei lenke for del 2 (engelsk, matte eller norsk)
Økonomi: Gratis.
Påmelding: Det er elektronisk bindande påmelding innan 01.11.2022. Påmeldingsskjema vil du fram til då finne lenger ned på denne sida. Spørsmål knytt til påmeldinga di rettast på e-post til [email protected] eller på telefon 71 25 85 11.
Stadfesting: Du vil automatisk motta ei stadfesting direkte på din e-post når påmeldinga er gjort. Om du ikkje mottek slik stadfesting, er du ikkje blitt registrert som deltakar. Sjekk om du har fylt ut alle felt.