Norsk Fjordhestsenter ønskjer velkomen til spennande kursdagar med fokus på avl, foring, verking, oppstalling og handtering. Vi håpar at oppdrettarkonferansen skal engasjere fjordhest-interesserte frå heile landet til å delta, og gje ei vitamininnsprøyting i forkant av årets avls og utstillingssesong.
Flinke foredragshaldarar skal gje oss god oppdatering på mange felt. Fagkonsulent i Felleskjøpet Jenny Johnsen gjev gode tips om rett foring. Hovslagarmeister Odd Anders Otterstad informerer om korrigering av unghest for å få rett beinstilling og gode rørsler. Målfrid Vatne, Bjørlia Veterinær- og Avlsstasjon er oppdrettar, veterinær og nestleiar i kaldblodsforeininga Veikle Balder vil informere om arbeidet på ein avlsstasjon, utfordringar ved å få hoppene drektige og om inseminering og naturlig bedekning. Målfrid har vore svært engasjert i Veikle Balders landsfinale for 2- åringar, og vil informere om dette tiltaket som kan gje impuls og vere nyttig for oss med tanke på etablering av nye aktivitetar rundt fjordhesten.
Gunnar Bruland har lang erfaring med kursverksemd rundt innkøyring av unghest, og har god oversikt over aktivitetane med hest rundt om i landet. Han gjev oss innspel på korleis skaffe nye eigarar til unghestane og kva oppstallingsmåte som kan høve for dei. Eksteriørdommar Anne Siril H. Bruland vil formidle om eksteriør og brukseigenskapar. Ho er godkjent dommar på rasane fjordhest og ponny, og er medlem av kåringsnemnda for fjordhest.
Her er programmet til konferansen:
Laurdag
9.00 Kaffi og registrering
9.30-10.15 For tjukk eller tynn? Foringsråd for føl og unghest ved fagkonsulent Jenny Johnsen, Felleskjøpet.
10.15-11.15 Hovslagaren sin innverknad på beinstilling og rørsler ved hovslagarmeister Odd Anders Otterstad
11.30-12.15 Drift av avlsstasjon. Utfordringer ved å få hoppene drektige. Ved Målfrid Vatne, Bjørlia Veterinær- og Avlsstasjon.
12.15-13.000 Lunsj
13.00-13.45 Inseminering eller naturlig bedekning. Ved Målfrid Vatne.
14.30-17.00 Samling av unghestgruppe på Norsk Fjordhestsenter. Vurdering av hold, beinstilling og rørsler. Ved eksteriørdommarar og hovslagar.
Søndag
9.00 -10.00 Korleis skaffe nye eigarar til unghestane som blir produserte. Ved trenar Gunnar Bruland .
10.15- 11.15 Val av rett hingst til hoppa med omsyn til stamme, eksteriør og brukseigenskapar . Ved dommar Anne S. Bruland
11.30-12.30 Oppstalling av unghest- kan det gjerast på ein enklare og billegare måte som er like god.
12.30-13.15 Lunsj
13.15-14.00 Evaluering og spørsmål
For nærare informasjon ta kontakt med Norsk Fjordhestsenter 578 64800 eller på [email protected]. Pris for deltaking på kursdelen er kr.1100,- inkludert lunsj laurdag og søndag.