Påmelding til haustens
padlehøgdepunkt er no i gang, den 25 til 27 september gjentek Askvoll
Padleklubb suksessen frå tidlegare år og arrangerer Stormsamling i Bulandet.
Sponsorar er Njord og God Tur.
Som
dei siste åra vert Stormsamlinga arrangert som ein samling der det sosiale
rundt padlinga er det viktigaste. Sidan samlinga på kveldane vert i Floren hos
Liv Turid har vi berre 46 plassar tilgjengelege. Så her gjeld det å hive seg
rundt og melde seg på!
Det
vert arrangert grunnkurs og teknikkurs, medlemmar frå Askvoll padleklubb vil
tilby guida turar rundt om i Bulandet begge dagane. For å vere med på samlinga,
må du betale for stormpass (gjeld berre dei som ikkje skal vere med på kurs).
Vi
samlast i Floren til ei orientering på fredag kvelden kl 21.00, slik får vi med
dei som kjem med ferga kl 19.15 frå Askvoll.
Det
vert ein tradisjonell Stormsamlingsmiddag, kaffi og dessert i Floren på laurdag
kveld,denne er inkludert i prisen, drikke til maten må kjøpast. Etter middagen
viser vi innsamla bilete frå dagen.
Totalt har vi 30 stormpass, 8
plassar på grunnkurs, 8 plassar på teknikkurs. Til saman 46 plassar. Minimum 4
deltakarar på kursa.
Vi
har sett ei aldersgrense på 18 år. Personar under må vere i følgje med
føresette.
Overnatting må kvar enkelt ordne med sjølv, sjå på Bulandet Grendalag for
hytter og liknande, http://bulandet-grendalag.org/
Ferjetider
finn de på www.ruteinfo.net, hugs at vi har fått ny bru sidan sist, det kan
køyras ferjefritt mellom Lavik og Askvoll, køyretid ca. 1t 20min.
Kva
kostar så dette?:
Stormpass: 1100,- inkl guida turar og middag laurdag
Grunnkurs: 2800,- inkl alt utstyr, middag laurdag kveld
Teknikkurs: 2800,- inkl alt utstyr, middag laurdag kveld
Leige av kajakk og alt anna utstyr 700,- for heile helga, vi leiger kun ut
heile pakkar med kajakk, åre, trekk, våtdrakt, jakke, sko etc.
Påmelding og betaling på https://www.deltager.no/stormsamling_2015_25092015
Seinaste
påmeldingsfrist er 23 september 2015, hugs at det er bindande påmelding!
Bli fan på Facebook, sjå Askvoll padleklubb
Har
du spørsmål om samlinga, bruk eposten ([email protected]) eller kontakt
tlf nr
95834359 (Roger Kløvtveit). Send helst epost :)
Vi
sjåast i Bulandet
Styret i Askvoll Padleklubb