Alfred Hauge 100 år – Alfred Hauge-jubileum 2015

Konferanse ved Utstein Kloster
30.-31. oktober

Historiske romanar, samtidsdiagnosar, framtidsvyer – tradisjonelle romanar, eksperimentelle romanar –  realisme, visjonar – lyrikk, salmedikting – sjølvbiografiar,  biografiar, reiseskildringar, essay –

Forfattarskapen til Alfred Hauge femnar vidt og har engasjert mange lesarar.  Hauge arbeidde som lærar, forlagsmann og journalist i tillegg til å vere folkekjær og kritikarrost forfattar, kanskje best hugsa for trilogien om Cleng Peerson.

Hauges litteratur utviklar seg frå det tradisjonelle til det eksperimentelle og rommar eit spenn mellom historisk tematikk, barsk realisme og fabulering. Utover i forfattarskapen utforskar han i stadig større grad potensialet i fiksjons-litteratur. Utgivinga av Mysterium i 1967, den første og eksperimentelle boka i Utstein-kloster syklusen, markerer eit viktig skilje i forfattarskapen.

Siste helga i oktober møtest vi ved   Utstein kloster til konferanse med søkelys på Alfred Hauges forfattarskap.

Litteraturforskarar og historikarar vil sjå nærare på fleire sider av den rikhaldige litterære produksjonen til Hauge.

Det vert føredrag av mellom andre Jan Inge Sørbø, Benedikt Jager, Ingeborg Kongslien, Irene Engelstad, Kristin Aalen og Magne Drangeid. Konferansen er open for alle interesserte, og diskusjonane er også opne for alle. Ein kan melde seg på heile konferansen, ein av dagane eller berre til den spennande kulturkvelden, der Hauge-tekstar vert framførte i kyrkja ved Ustein kloster. Det er også høve for å melde seg på festmiddag.

Arrangørar: Universitetet i Stavanger – Høgskolen i Volda – NLA Høgskolen

Konferansen har motteke støtte frå:
Rogaland Fylkeskommune – Norsk Kulturrådet – Fritt Ord – Universitetet i Stavanger – Høgskolen i Volda – NLA Høgskolen