Kokken, bonden og reiselivet

Matnyttige dagar i Lom!

Om du er kokk eller bonde, tradisjonell eller utradisjonell, reiselivsbedrift, utdanningsaktør eller politikar, eller berre glad i god norsk mat – velkomen til Lom!

Målet med denne konferansen er å skape begeistring og stoltheit på tvers av fagfelta, gi ny motivasjon og samtidig vera med å sikre rekrutteringa til matfaget, landbruket og reiselivet.

Konferansen Kokken, bonden og reiselivet varer frå lunsj til lunsj onsdag 6.november - torsdag 7. november 2019.

Opplæringskontoret Brimi-kjøken inviterer til erfaringsutveksling og inspirasjon i nasjonalparklandsbyen Lom.

www.brimikjoken.no


Mikael Genberg

Opplev mannen som forhandlar med NASA om ei hytte på månen. Med ein heilt unik energi og utstråling på scena sprer Genberg latter og innsikt med ein inspirerande ettersmak.
Ikkje vær redd – det umoglege er mogleg, skal vi tru kunstnaren, gründaren og innovatøren Genberg.

Genberg har bakgrunn som kunstnar i tradisjonelle kvite rom, men har dei siste åra utvida arbeidet sitt til fantastiske hotellprosjekt, mellom anna undervannshotellet Utter Inn, trehushotellet Hotell Hackspett. Genberg vil halde eit inspirerande og spennande foredrag i Lom.

ARNE BRIMI

Vår «eigen» Arne Brimi er sjølvskriven på konferansen. Brimi har fått fleire utmerkingar og prisar for sitt engasjement og formidling av norsk matkultur, og vart utnevnt til ridder av 1. klasse av St. Olavs Orden i 2005. Han har forfatta eit titals kokebøker, driv i dag Vianvang i Vågå og har nyleg kjøpt praktgarden Sundhågån saman med tre datterselskap av Coop-konsernet.

Brimi brenn for gode, gjerne lokale råvarer og ser fram til inspirerande og engasjerande dagar i Lom.

Laila M. Berge

– Eg brenn for sidestilling av yrkesfag og studiespesialisering! Har arbeidd i hotell- og restaurantnæringa i 43 år, og har ikkje angra ein dag.

Berge har arbeidd i Lærlingekompaniet sidan 1997, og har jobba som resepsjonist, servitør og vinkelner.



Eivind Haalien

Eg brenn for god mat som er laga med både hjarte, hender og hovudet. Og så liker eg bra måltid som bidreg til gode samtaler, gode opplevingar og gode minner.

Haalien er kategorisjef for Lokalmat- og Spesialiteter i NorgesGruppen ASA og held foredraget Lokalmat i Norgesgruppen – Kva, kvifor og korleis?


Olav Lie-Nilsen

– Eg brenn for Norsk mat og matproduksjon, matkultur og måltidsopplevingar, eigerskap og verdiskaping. Eg gler meg til å ta turen til Lom!

Nilsen driv Thorbjørnrud Hotel og Øvre Kjekshus, og vil halde foredrag om eierskap i verdikjeda.


Øystein Rudi

Saman med Nina er Øystein Rudi vert på Rudi Gard på Sør-Fron, og dei har sidan år 2000 utvikla kulturarrangement og opplevingar slik at dette er no hovudnæring på garden. Dei fleste aktivitetar har utgangspunkt i landbruk, kulturlandskap og lokale ressursar.

Rudi er no direktør for Gudbrandsdalsmusea. I tillegg til å være landets mest profilerte spellemenn driv han tradisjonelt landbruk på garden og skjøtsel på kulturlandskap og 30 hus i dalen og på fjellet.

Rudi er vår konferansier under Kokken, Bonden og Reiselivet i Lom i år.



Med atterhald om endringar. 


 

Registreringsskjema

Konferansepakke
 *
Fornavn
 *
Etternavn
 *
Bedrift
 *
E-postadresse
 *
Gjenta e-post
 *
Mobil
 *
Betalingsmetode
 *