BAKGRUNN
Sogn og Fjordane Friidrettskrins ynskjer å skape gode sportslege rammer for friidrettssatsing i Sogn og Fjordane. Vi ynskjer å gjennomføre samlingar innanfor løp, hopp, kast og kappgang i 2023.
TID OG STAD:
Albufeira, Portugal 2023.
Periode: 17/02/23 - 27/02/23 (10 dagar)
MÅLGRUPPE:
Gutar og jenter født 2006 og eldre. Yngre utøvarar kan ta del med følgje av føresett(e).
TRENARAR/LEIARAR:
Eivind Øygard, Kjell Olav Førde, Øystein Støfring, Kristin Hessvik, m/ fleire (blir oppdatert etterkvart).
STAD:
Albufeira og ligg på Algarve-kysten i Portugal. Her finns det friidrettsbane og moglegheit til å springe lengre utanom bane, og som regel stabilt fint treningsveir. Tilgang til å trene alle friidrettsøvingane.
HOTELL:
Det er reservert rom på Victoria beach and sports hotel (https://victoriasportbeachhotel.com-hotel.com/en/). Hotellet har friidrettsbane 50m frå hotellet, og er like ved flotte grusvegar for løping. Det er frukost inkludert på hotellet, og også moglegheit for å kjøpe seg middag her. Det er også kort veg til matbutikkar og resturantar. Vi vil prøve å legge opp til felles middagar.
FLY
Flybilettar bestiller alle individuelt, men vi oppmodar om felles avreise med KLM frå Bergen 17.02 kl. 14.10. Ut ifrå når folk landar i Portugal, vil krinsen ordne med transport til frå hotellet. Reiseforsikring må også ordnast av den enkelte.
PRIS:
Vi anslå at reise og opphald (inkl. frukost) vil ligge på rundt 7000-8000kr (litt avhengig av flybillettar).
MÅL MED SAMLINGA:
Målgruppe: 16 år (født 06) og eldre. Yngre kan få godkjenning til å være med dersom føresett deltek.
Målet med samlinga er å få eit godt treningsutbytte gjennom å trene i ideelt klima dra nytte og bli kjent med kvarandre på tvers av klubbgrensene. Vi håpar dette kan bidra til motivasjon i treninga og at ein kan stifte nye bekjentskap innad i friidretskrinsen.
Treningsleiren har totalforbud mot alkohol for både utøverar, trenarar og leiarar.
PÅMELDING:
Utøvarar og føresette som ynskjer å reise må melde seg på i påmeldingsskjemaet. Då vil du få reservert rom på hotellet.
AKTIVITETAR:
Mellom trening er det viktig å restituere og slappe av, men litt rolige aktivitetar er berre bra for restitusjon og samhald! Andre aktivitar som hotellet kan friste med er Basseng, tennisbane, bordtennis mm. Og vi legg opp til å arrangere nokon uhøgtidilige konkuransar i bl.a desse aktivitetane.
Vi håpar detta er eit tilbod av interesse, meir informasjon vil komme når påmelding er ferdig og vi får litt meir oversikt over kven som ønsker å reise.
Spørsmål utover det sendast ungdomsrepresentant i styret i SFFIK Øystein Støfring ( [email protected] ), eller dagleg leiar i friidrettskrinsen [email protected]