Pinsen fredag 3. juni til måndag 6. juni.
Køyretøy Historisk Klubb Voss inviterer til Norgesløpet VossaRudl'n 2022
For detaljert informasjon om påmelding, arrangement og prisar, sjå facebooksida Veteranvognløpet Norgesløpet VossaRudl'n 4. juni 2022 eller Køyretøy Historisk Klubb Voss. Du kan og senda e-post til [email protected] og etterspør.
Med atterhald om endringar i smittesituasjonen og eventuelle nye smittevernsrestriksjonar.
Situasjonen endrar seg frå veke til veke, og arrangøren vil nødig vera grobotn for smitteutbrot og brot på smittevernsreglar. Me har difor utsett opning av påmelding til 1. april.
FREDAG 3. JUNI
For dykk som kjem fredag vil det vera sosial samkoma på kvelden.
Middag og omvising Smalahovetunet AS. Sjå fyldig orientering om dette på facebooksidene, eller i tilsendt e-post.
LAURDAG 4. JUNI
Laurdag er løpsdagen og Norgesløpet VossaRudl’n 2022 vert gjennomført.
Oppstilling Bømoen, og gjennomføring etter same lest som tidlegare. Me gjer merksam på at alle deltakarar må innom alle oppgåvepostar, lunsj og fotopost for å fullføra løpet.
Målgang ved løpshotellet Stalheim Hotel. Avsluttar med løpsfest, premieutdeling, festmiddag.
SUNDAG 5. JUNI
Me inviterer deltakarane til ulike aktivitetar i det flotte verdsarvområdet.
Program for sundagen vil verta annonsert før påmeldinga startar.
Middag på Stalheim Hotel for deltakarar og gjester. Sjå fyldig orientering om dette i tilsendt e-post.
MÅNDAG 6. JUNI
Frukost, drøs, avskjed og heimreis.
Påmelding, prisar og betaling:
Påmelding til løpet er elektronisk, via deltager.no
Deltakaravgifta er i år kr 830,- Dette inkluderer lunsj for sjåfør.
Lunsj for passasjer samt andre organiserte aktivitetar kjem i tillegg, sjå påmeldingsskjema.
Det er viktig at du les påmeldingsskjema og orientering godt og fyller ut korrekt informasjon.
Køyretøy med årsmodell til og med 1992 kan delta. Maksimalt antal deltakande køyretøy er sett til 160
(med atterhald om endringar i smittesituasjonen og restriksjonar frå FHI/regjeringa)
Overnatting:
MERK: Alle deltakarar må bestilla overnatting sjølve.
Ved betalt påmelding vil du motta ein sms/e-post med eit referansenummer.
Dette referansenummeret må du ha dersom du skal bestilla hotellrom ved løpshotellet Stalheim Hotel.
Det er ikkje mogeleg å bestilla overnatting ved løpshotellet før du har plass i løpet.
Påmelding opnar 1. april 2022.
Alle felta i påmeldingsskjema er obligatoriske.
Du må difor innom alle felta, fyll inn det som passar før du får lagra og betalt.
Frist for påmelding 30. april 2022, med atterhald om framleis ledig plass.
Velkomne til Voss i pinsehelga 2022
Køyretøy Historisk Klubb Voss
Har du spørsmål, kan du retta dei til [email protected]