Open fellestrening for løparar i krinsen
BAKGRUNN
Sogn og Fjordane Friidrettskrins ynskjer å skape gode sportslege rammer for friidrettssatsing i krinsen.
MÅLGRUPPE
Alle som er glade å springe, gutar og jenter født 2010 (13 år frå sesongen 2023) og eldre.
HOVUDTRENAR:
Eivind Øygard.
PRIS:
Gratis
REGISTRERING:
Du kan ta del i dei øktene du sjølv vil, men vi ynskjer likevel at du registrerer deg under - slik at vi får kontaktinformasjon på deltakarar som er med.
SAMLINGSPROGRAM:
Fellestreningsplan hausten 2022
Oktober
Dato | Dag | Økt | Oppmøtestad | Start oppv | Start drag (ca) | Div |
11 | Tysdag | Kortintervall bane | Skei ungdomsskule | 17:30 | 18:00 |
|
13 | Torsdag | Langintervall grus Fossheim | Skei u.skule | 17:30 | 18:00 |
|
15 | Laurdag | Konkurransespesifikk økt for 10km. Asfalt. | Øygard | 16:00 | 16:30 |
|
17 | Måndag | Kortintervall bane | Skei u.skule | 17:30 | 18:00 |
|
18 | Tysdag | Kortintervall bane | Kvåle Stadion | 16:30 | 17:00 | For løparar i Sogn-regionen |
19 | Onsdag | Konkurranseførebuande bane eller langintervall | Skei u.skule | 17:30 | 18:00 | Hytteplanmila 22.okt |
25 | Tysdag | Kortintervall bane | Skei u.skule | 17:30 | 18:00 |
|
27 | Torsdag | Langintervall grus Fossheim | Skei u.skule | 17:30 | 18:00 |
|
29 | Laurdag | Bakkeøkt. 200m. | Vassenden skule | 16:30 | 17:00 |
|
31 | Måndag | Kortintervall bane | Skei u.skule | 17:30 | 18:00 | Idrettens møteplass Sandane 5.11. Samlingshelg 4-6.11 |
November
Dato | Dag | Økt | Oppmøtestad | Start oppv | Start drag (ca) | Div |
7 | Måndag | Kortintervall Skei | Skei u.skule | 17:30 | 18:00 | |
8 | Tysdag | Kortintervall bane | Kvåle Stadion | 16:30 | 17:00 | For løparar i Sogn-regionen |
10 | Torsdag | Langintervall | Skei u.skule | 17:30 | 18:00 | |
12 | Laurdag | Bakkeøkt 200m. | Vassenden skule | 16:30 | 17:00 | |
14 | Måndag | Kortintervall Skei | Skei u.skule | 17:30 | 18:00 | |
17 | Torsdag | Langintervall | Skei u.skule | 17:30 | 18:00 | |
21 | Måndag | Kortintervall Skei | Skei u.skule | 17:30 | 18:00 | |
22 | Tysdag | Kortintervall bane | Kvåle Stadion | 16:30 | 17:00 | For løparar i Sogn-regionen. |
24 | Torsdag | Langintervall | Skei u.skule | 17:30 | 18:00 | |
26 | Laurdag | Bakkeøkt 200m. | Vassenden skule | 16:30 | 17:00 | Kan kome endringar om det blir krinssamling helga 25-27.11 |
28 | Måndag | Kortintervall Skei. | Skei u.skule | 17:30 | 18:00 | |
Her er grovplan for felles intervalltrening for oktober og november i første omgong. Merk at dagane og tidspunkta kan variere. Det kan kome endringar, så vekeplanen som kjem kvar søndag på «Fellestrening Jølster ++. Infogruppe» (https://www.facebook.com/groups/2744817402457190) vert gjeldande. Dersom det ikkje kjem anna informasjon, så går fellestreningane som planlagt.
Gje Eivind Øygard ein lyd på messenger eller 47845960 om du ikkje er medlem av facebook-gruppa eller må ha informasjon gjennom andre medium. Når alt av haustkonkurransar er ferdig blir dei faste intervalldagane måndag, torsdag og laurdag. Vêrtilhøve/underlag vil kunne påverke treningsstad når vinteren kjem. Har eit håp om at vi får bruke Kleivatunellen i Kjøsnesfjorden (900m) til økter. Storhallen på Skei er også eit alternativ for kortintervallar innimellom.
Øktene vil følgje ein ganske fast struktur med felles oppvarming før hovuddelen blir tilpassa etter nivå. Eit eksempel på nivåtilpassing kan vere at nokre spring 25x400m med 30sek pause og andre spring 8x400m med 1min pause. Sjå under for eksempel på kva kort- og langintervall kan bestå av. Bakkeøktene blir stort sett 30-35sek drag i slak bakke (4-7%) med jogg ned i pausane (60-70sek) der alle startar og stoppar draga samstundes. Det blir vanlegvis ingen felles avslutning på øktene sidan nokon spring fleire drag enn andre.
ALLE 13 år og eldre er velkomne, begge kjønn, uavhengig av nivå og klubb. Sjølv om det kan vere eit stort spenn i nivå, så er det uansett kjekkare å presse seg samstundes som andre!
Det er ingen treningsavgift, og ein kan møte opp på dei øktene det passar utan å melde frå på førehand. Slik sett viktig å kome presis om ein vil varme opp saman med andre. For står det oppmøte 17:30, så er vi som regel i gong kl. 17:31!
Det er oppført både starttidspunkt for oppvarming og drag slik at ein kan møte opp ferdig oppvarma dersom det passar betre.
Eksempel på typisk oppvarmingsstruktur på 30-35min:
- Jogg: 15min jogg i eige tempo (Typisk 7,5min ein veg, så snu tilbake).
- Dynamisk tøying: 3-4min med ulike øvingar (beinsving feks)
- Drill: 3x3 med for eksempel høge kneløft, spark opp bak og triplings
- Drag/stigningsløp: For eksempel 4x100m.
Eksempel kortintervall
- Draglengd på 200-500m eller 30-90sek.
- Pausar på 15-60sek.
- Eks: 6-25x400m. P: 30-60sek.
Eksempel på langintervall
- Draglengd over 600m/2min. Vanlegvis +/- 1000m.
- Pausar: 40sek-2min.
Eks: 3-10x1000m. P: 1min.