Bli med på å utforske moglegheiter for Arna!
Bur du i Arna? Vil du bidra til at dette kan bli ein endå betre stad for både unge og vaksne? Har du lyst å gjere ein forskjell for Arna?
Den kreative verkstaden er del av pilotprosjektet «Creative Arna» som har som mål å bidra til at fleire menneske får oppleve og delta i kreative fellesskap og bidra til å skape levande lokalmiljø. Prosjektet tek utgangspunkt i nærmiljøet og i lokale trendar, moglegheiter og utfordringar, og i innbyggaranes eigne behov og ønsker.
Pilotprosjekta skjer i regi av Bergen kommune i samarbeid med Lisa Baxter. Ho har arbeidd med metoden «community art» fleire stader rundt om i verda, med fokus mellom anna på kva verdi kreative prosessar kan tilby samfunnet generelt. Les meir om Lisa Baxter her.
Meld deg på verkstad ein av dagane 26.-28. oktober, og bli med på å utforske moglegheiter gjennom ein kreativ prosess.
Creative Arna i Ådnahall
Tirsdag 26. oktober klokken 16.00 til 20.00
Ådnahall kulturverksted, Lakslia 10
Creative Arna på Trengereid
Onsdag 27. oktober klokken 16.00 til 20.00
Trengereid Forsamlingshus, Trengereidlia 13
Creative Arna på Lone
Torsdag 28. oktober klokken 16.00 til 20.00
Lone skule, biblioteket, Lonaleitet 131
Deltaking er heilt gratis, og det blir enkel servering og musikk undervegs.
Arbeidsspråk er norsk og engelsk, men det er òg mogleg å ha tolk til stades.
Frist for påmelding er 23. oktober.
MER OM PROSJEKTET:
Ein viktig del av pilotprosjektet er å setje saman ei gruppe med folk med ulik alder og bakgrunn. Vi søkjer deg som har lyst til å bidra til at området ditt kan bli ein endå betre stad for både barn, unge og vaksne. Enten du er ung, eldre, har budd her lenge eller akkurat har flytta til Arna, så er du velkomen til gruppa som gjennom ein kreativ prosess vil løfte fram området på nye måtar.
Gruppa vil utforske spørsmål som: Korleis er det å vekse opp i Arna? Kva saknar dei eldre i området? Kva med dei unge, kva slags behov har dei? Kvar møtest småbarnsfamiliane og kva med studentane? Kva skal eigentleg til for å skape auka trivsel og livskvalitet for alle i Arna? Kva kan vi lære av kvarandre, og av andre byar og land, i utviklinga av Arna? Kva er ynskja dine for ditt nærmiljø?